Olmazorda Islom sivilizatsiyasi markazida yong‘in yuz berdi

Bugun, 19-avgust kuni Toshkent shahrining Olmazor tumanida joylashgan Islom sivilizatsiyasi markazi binosining tom qismida yong‘in yuz berdi. Bu haqida Zamin.uz xabar berdi.

Favqulodda vaziyatlar xizmati ma’lumotiga ko‘ra, soat 11:11 da izolyatsiya qoplamalarini o‘rnatish jarayonida texnologik qoidalarga rioya qilinmagani sababli olov chiqqan. Yong‘in tezda tarqalib, soat 11:32 da o‘rab olingan va 11:34 da to‘liq o‘chirilgan.

Yong‘in natijasida 19 kvadrat metr maydondagi izolyatsiya mahsuloti yonib zararlangan. Biroq, binoning ichki qismi va undagi nodir eksponatlar zarar ko‘rmagan.

Shuningdek, voqea joyida hech kim jarohat olmagan. Favqulodda vaziyatlar xizmati hodisaga tezkor aralashgani tufayli yong‘in katta zarar yetkazishining oldi olingan.

Ushbu ma’lumotlar Uz24 nashri tomonidan tasdiqlangan.