Namunali xavfsiz ko‘cha va uylar tashkil etiladi
Shahar va qishloq hududlarida aholining xavfsizligini ta’minlash maqsadida “namunali xavfsiz ko‘cha” va “namunali xavfsiz uy”larni tashkil etishga oid infratuzilmaviy talablar belgilandi. Bu haqida Zamin.uz xabar berdi.
Ushbu talablar quyidagilarni o‘z ichiga oladi. Birinchidan, tungi paytda ko‘chaning aholining yashashi va harakatlanishi mumkin bo‘lgan qismi to‘liq yoritilishi lozim.
Ikkinchidan, berk ko‘chalar, ichki yo‘laklar hamda jinoyat sodir etilishi mumkin bo‘lgan qorong‘i hududlarning qisman yoritilishi ta’minlanadi. Uchinchidan, transport vositalari uchun avtoturargohlar texnik kuzatuv tizimlariga javob berishi kerak.
Shuningdek, ko‘chalarda noqonuniy savdo rastalari faoliyati tartibga solinadi. Bundan tashqari, qarovsiz yerto‘la, chordoq va chiqindixonalar mavjud bo‘lmasligi zarur.
Og‘ir aholi yashaydigan mahallalarda ushbu loyihani amalga oshirish bo‘yicha vazifalar har chorak va har oyda mahalla, tuman hamda viloyat darajasida ishlab chiqiladigan yo‘l xaritalariga aniq ko‘rsatmalar bilan kiritiladi. Bundan tashqari, “Mahalla yettiligi” dasturi doirasida “namunali xavfsiz ko‘cha” va “namunali xavfsiz uy”larning boshlanish va tugash nuqtalariga ushbu ijtimoiy maqomni bildiruvchi stikerlar o‘rnatiladi.
Ushbu stikerlar aholiga xavfsizlikni oshirish, tartib-intizomni mustahkamlash hamda jamiyatdagi ijobiy o‘zgarishlarni ko‘rsatish maqsadida xizmat qiladi. Manba: zamin.uz.
