Toshkentda 2,4 milliard so‘m aliment oldindan to‘landi
Majburiy ijro byurosining Toshkent shahri, Uchtepa tumani bo‘limida erkak farzandlari uchun 2,4 milliard so‘m miqdorida aliment oldindan to‘landi. Bu haqida Zamin.uz xabar berdi.
Bu aliment summasi MIB tarixida rekord darajaga ega bo‘ldi. Sud qaroriga ko‘ra, qarzdor Sh.J.
dan undiruvchi Sh.D. foydasiga voyaga yetmagan to‘rt farzandining ta’minoti uchun daromadining yarmi miqdorida aliment undirish bo‘yicha ijro hujjati kelib tushgan.
Qarzdorning mol-mulklarini aniqlash maqsadida vakolatli organlarga so‘rovnomalar yuborilgan, biroq uning nomiga hech qanday mol-mulk rasmiylashtirilmaganligi ma’lum bo‘lgan. Ijro harakatlari davomida Sh.J.
voyaga yetmagan farzandlari uchun 16 yil davomida to‘lanadigan aliment miqdorini hisoblab berishni so‘ragan. Hisob-kitoblarga ko‘ra, jami aliment summasi 2 milliard 442 million so‘mni tashkil qilgan.
Qarzdor ushbu summani undiruvchi Sh.D. ga uy ko‘rinishida to‘lab bergan, shundan so‘ng ijro hujjati bajarilgan hisoblanadi.
Oldinroq Nukus shahridan bo‘lgan erkak 2 milliard 270 million so‘m miqdorida alimentni oldindan to‘lab, rekord o‘rnatgan edi. Manba: MIB rasmiy axboroti.
