Nukus va Urganchda chang zarralari ko‘paydi
22 avgust kuni Nukus va Urganch shaharlarida kuchli shamol ta’sirida havodagi chang zarralari sezilarli darajada oshdi. Bu haqida Zamin.uz xabar berdi.
Shamol tezligi soatiga 9,2 dan 10 kilometrgacha bo‘lgan. Urganchda soat 15:00 dan 16:00 gacha PM10 zarralari me’yordan 1,1 dan 5,1 martagacha, PM2,5 zarralari esa 2,9 dan 13,9 martagacha ko‘paydi.
Nukus shahrida esa PM10 chang zarralari me’yordan 3,3 martagacha, PM2,5 zarralari esa 20 martagacha oshdi. Mutasaddilar aholiga havodagi chang ko‘payishi tufayli ehtiyot choralarini ko‘rishni tavsiya qilmoqda.
Bunday holat nafas olish tizimiga salbiy ta’sir ko‘rsatishi va sog‘liq uchun xavf tug‘dirishi mumkin. Shu sababli, ayniqsa nafas yo‘llari kasalliklari bilan og‘riganlar va bolalar ko‘proq ehtiyot bo‘lishlari zarur.
Havoning ifloslanishi haqida batafsil ma’lumotni Uz24.uz saytidan olish mumkin.
