2025/2026-o‘quv yili Oliy ta’lim, fan va innovatsiyalar vazirligi buyrug‘iga asosan bosqichma-bosqich boshlanadi. Bu haqida Zamin.uz xabar berdi.
3-sentabrdan akademik litseylarning barcha bosqich o‘quvchilari hamda oliy ta’lim muassasalarining birinchi bosqich talabalari uchun darslar boshlanadi. Keyingi bosqich, ya’ni oliy ta’lim muassasalarining ikkinchi va undan yuqori bosqich talabalari uchun darslar 8-sentabrdan boshlanishi rejalashtirilgan.
Birinchi bosqich talabalari uchun «Kredit ta’limi tizimiga kirish» haftaligi va «Talabalikka bag‘ishlov» tadbirlari tashkil etiladi. Ushbu tadbirlarda talabalar ta’lim muassasalari faoliyati bilan yaqindan tanishtiriladi, kredit-modul tizimi tushuntiriladi hamda fanlarni to‘g‘ri tanlash bo‘yicha amaliy maslahatlar beriladi.
Bundan tashqari, mustaqil ta’lim ko‘nikmalarini rivojlantirish, akademik halollik tamoyillarini singdirish hamda kasbiy va shaxsiy taraqqiyotga oid targ‘ibot-tashviqot ishlari olib boriladi. Bu jarayonlar talabalarning sifatli ta’lim olishlari va o‘z sohasida muvaffaqiyatga erishishlari uchun muhim ahamiyatga ega.
Manba: Kursiv.media.
