O‘zbekistonda neft-gazda britan texnologiyalari joriy etiladi
Londondagi O‘zbekiston elchixonasida “Cavitas Energy” kompaniyasi rahbari Grem Makney bilan uchrashuv bo‘lib o‘tdi. Bu haqida Zamin.uz xabar berdi.
Uchrashuvda O‘zbekistonda neft va gaz sohasida qo‘shma loyihalarni amalga oshirish hamda energetika tarmog‘iga Buyuk Britaniyaning ilg‘or texnologiyalarini joriy etish masalalari muhokama qilindi. “Cavitas Energy” texnologiyalari yordamida iqtisodiy jihatdan samarasiz deb topilgan neft konlarini foydali aktivlarga aylantirish imkoniyatlari ko‘rib chiqildi.
Grem Makney kompaniyaning O‘zbekiston bilan uzoq muddatli hamkorlik qilishga tayyorligini ta’kidladi. U energetika sohasini rivojlantirish uchun ilg‘or yechimlarni taklif qilishga qiziqish bildirganini bildirdi.
Ushbu uchrashuvda ikki tomon o‘zaro manfaatli loyihalarni amalga oshirish va texnologiyalarni mamlakat energetikasiga joriy etish bo‘yicha kelishuvlarga erishishga intilishgani qayd etildi. Manba: Kursiv media.
