2025 yil 25 avgust, dushanba kuni Toshkent shahrining ayrim tumanlarida ta’mirlash ishlari munosabati bilan gaz ta’minoti vaqtincha to‘xtatiladi. Bu haqida Zamin.uz xabar berdi.
Chilonzor tumanida soat 10:00 dan 20:00 gacha “Al-Xorazmiy”, “Bahoriston”, “Guliston” va “Bek topi” mahallalarida gaz uziladi. Bu hududda 220 ta xususiy uy, 80 ta ko‘p qavatli bino va 40 ta yirik iste’molchi gazsiz qoladi.
Shayxontohur tumanida ham soat 10:00 dan 20:00 gacha to‘rtta yirik iste’molchiga gaz yetkazib berish to‘xtatiladi. Uchtepa tumanida joylashgan “Foziltepa”, “Ko‘ksaroy”, “O‘rikzor” va “Zarafshon” mahallalarida gaz ta’minoti soat 10:00 dan 20:00 gacha uziladi.
Ushbu hududda 2 450 ta xususiy uy, 47 ta ko‘p qavatli bino va 256 ta yirik iste’molchi gazsiz qoladi. Yashnobod tumanida esa soat 10:00 dan 18:00 gacha Maxtumquli ko‘chasida gaz uzilishi rejalashtirilgan.
Bu yerda 950 ta xususiy uy, 35 ta ko‘p qavatli bino va 10 ta yirik iste’molchi ta’sir ko‘radi. Ta’mirlash ishlari yakunlangach, gaz ta’minoti tiklanadi.
Ma’lumot manbasi: Kursiv.media.
