Adliya vazirligi tomonidan qonun hujjatlariga kiritilgan qo‘shimchalar asosida homiylik xayriyalarini yig‘ish tartibi aniq belgilandi. Bu haqida Zamin.uz xabar berdi.
Endilikda davlat organlari xodimlari nodavlat notijorat tashkilotlari faoliyatiga noqonuniy aralashsa, ularga belgilangan bazaviy hisoblash miqdorining yetti baravaridan o‘n baravarigacha jarima qo‘yiladi. Shuningdek, xayriya yig‘ish qoidalarini buzgan oddiy fuqarolar bazaviy hisoblash miqdorining uchdan besh baravarigacha, mansabdor shaxslar esa beshdan yetti baravarigacha jarimaga tortiladi.
Yangi tartibga ko‘ra, xayriya mablag‘lari faqat oldindan e’lon qilingan muddat va maqsadlarda to‘planishi lozim. Naqd pul mablag‘lari maxsus shaffof qutilar orqali yig‘ilishi, qutilar maxsus muhr yoki raqamlangan plomba bilan yopilishi talab etiladi.
Naqd pulni bank hisobvaraqlariga o‘tkazish esa qonunchilikda ko‘rsatilgan holatlarda istisno tariqasida amalga oshiriladi. Ushbu tartib homiylik xayriyalarining oshkoraligini ta’minlash va noqonuniy aralashuvlarni oldini olishga qaratilgan.
Manba: Kursiv nashri.
