Iordaniya Hoshimiylar Podshohligi podshohi Abdulla II ibn Al-Husayn Prezident Shavkat Mirziyoyev taklifiga binoan 25 avgust kuni davlat tashrifi bilan O‘zbekistonga keldi. Bu haqida Zamin.uz xabar berdi.
Samarqand xalqaro aeroportida podshohni O‘zbekiston Prezidenti Shavkat Mirziyoyev samimiy kutib oldi. Mehmon sharafiga ikki davlat bayroqlari ko‘tarildi va faxriy qorovul saf tortdi.
Shuningdek, milliy kuy-qo‘shiq va raqslardan iborat tantanali marosim tashkil etildi. Bu tashrif doirasida 26 avgust kuni davlat rahbarlari birgalikda qadimiy Samarqand shahrining tarixiy obidalarini ziyorat qilishlari rejalashtirilgan.
Ushbu tashrif ikki mamlakat o‘rtasidagi do‘stlik va hamkorlik aloqalarini yanada mustahkamlashga qaratilgan muhim diplomatik tadbirdir. Manba: zamin.uz
