Iordoniya podshohi Samarqand tarixini ziyorat qildi
Iordaniya podshohi Abdulla II ibn Al-Husayn O‘zbekiston prezidenti Shavkat Mirziyoyev bilan birga qadimiy Samarqand shahrining tarixiy obidalarini ziyorat qildi. Bu haqida Zamin.uz xabar berdi.
Davlat rahbarlari avvalo Shohi Zinda majmuasiga tashrif buyurdi. Bu yerdagi maqbaralar Muhammad payg‘ambar sahobalaridan biri bo‘lgan Qusam ibn Abbos va boshqa mashhur arboblarga tegishli hisoblanadi.
Shohi Zinda majmuasi me’morchilik va bezak san’atining asrlar davomida rivojlanishini namoyish etadi. Ushbu majmua 2001 yilda YUNESKO Butunjahon merosi ro‘yxatiga kiritilgan.
Iordaniya podshohi Qusam ibn Abbos xotirasiga hurmat bajo keltirib, Qur’on tilovat qilindi. Keyinchalik Amir Temur maqbarasi ziyorat qilindi.
Bu yerda mehmonlarga sohibqironning davlatchilik siyosati, harbiy mahorati hamda diplomatik aloqalari haqida batafsil ma’lumot berildi. Amir Temur hayoti va faoliyati, shuningdek, uning davlati o‘z davrining eng yirik mamlakati bo‘lganligi mehmonlarda katta taassurot qoldirdi.
Davlat rahbarlari Registon majmuasini ham ziyorat qildi. Ushbu majmua Mirzo Ulug‘bek, Sherdor va Tillakori madrasalaridan iborat bo‘lib, asrlar davomida ilm-fan markazi sifatida xizmat qilgan.
Registon Samarqandning eng muhim tarixiy ramzi hisoblanadi. Tanishuv davomida oliy martabali mehmonlarga ushbu inshootlarning bunyod etilish tarixi, naqshlarining o‘ziga xosligi hamda maydonda olib borilgan restavratsiya ishlari haqida batafsil ma’lumot taqdim etildi.
Manba: zamin.uz
