Navoiy xalqaro aeroporti uchinchi yuk reysini qabul qildi. Bu haqida Zamin.uz xabar berdi.
Ushbu reys doirasida 1017 bosh mongol qo‘yi olib kelingan bo‘lib, ularning umumiy og‘irligi 35 tonnani tashkil etadi. Hozirgi kunga qadar, ya’ni 26-avgustga qadar O‘zbekiston jami 3017 bosh mongol qo‘yini import qilgan, ularning umumiy vazni 107 tonnani tashkil qilmoqda.
Joriy yil oxirigacha esa 100 ming bosh qo‘y import qilish rejalashtirilgan. Shu bilan birga, Mongoliyaga yangi meva va sabzavotlar ham eksport qilinmoqda.
Jumladan, 11,6 tonna uzum, 2 tonnadan ortiq qovun va 4,2 tonna tarvuz yuborilgan. Uzbekistan Airports ma’lumotiga ko‘ra, bunday yuk almashinuvi qishloq xo‘jaligi sohasini rivojlantirish va tashqi savdo aloqalarini kengaytirishga yangi imkoniyatlar yaratmoqda (Kursiv media).
