Mirziyoyev pedagoglarga yangi imtiyozlar taqdim etdi
Shavkat Mirziyoyev Toshkent viloyatining Bo‘stonliq tumanida o‘qituvchi va murabbiylar bilan uchrashuvda pedagoglarni qo‘llab-quvvatlashga qaratilgan yangi tashabbuslarni taqdim etdi. Bu haqda Zamin.uz xabar berdi.
Yangi yil boshidan boshlab, 15 yillik stajga ega oliy toifali pedagoglarga ipoteka krediti uchun boshlang‘ich badalning 25 foizi davlat tomonidan qoplanadi. Bundan tashqari, pedagoglarning farzandlari davlat oliy ta’lim muassasalariga kirganda, kontrakt to‘loviga 30 foiz chegirma beriladi.
O‘qituvchilar kompyuter xaridi uchun 10 million so‘mgacha imtiyozli kredit olish huquqiga ega bo‘ladi. Shuningdek, davlat xizmatlari uchun to‘lovlar ikki barobar kamaytiriladi.
Mahalliy va xalqaro reytingdagi oliy ta’lim muassasalari, maktablar va bog‘cha pedagoglariga ichki sayohatlar uchun chipta narxlariga 15-20 foiz chegirma taqdim etiladi. Ushbu yangi imtiyozlar pedagoglarning moddiy holatini yaxshilash va ularning ijtimoiy himoyasini kuchaytirishga qaratilgan.
Ma’lumot manbai: uz24.uz.
