O‘zbekiston Respublikasi Prezidenti Shavkat Mirziyoyev mamlakatda yangi Respublika ta’lim markazi — “Kelajak”ni tashkil etish to‘g‘risida farmon imzoladi. Bu haqda Zamin.uz xabar berdi.
Ushbu markaz “Barkamol avlod” maktabi hamda Respublika o‘quvchi va yoshlar markazi negizida tashkil etiladi. “Kelajak” markazining Toshkent shahrida hamda mamlakatning barcha hududlarida bo‘limlari ochilib, yagona dastur asosida faoliyat yuritadi.
Shuningdek, Buxoro, Namangan, Samarqand va Xorazm viloyatlarida “Kelajak” markazlari qoshida bolalar uchun oromgohlar tashkil etiladi. Markazlarga malakali mutaxassislar va nodavlat ta’lim muassasalari jalb etilishi ko‘zda tutilgan.
Bu tashabbus yosh avlodning sifatli ta’lim olishini ta’minlash, ularning bilim va ko‘nikmalarini rivojlantirishga qaratilgan. Tashkil etilayotgan yangi markaz mamlakat ta’lim tizimining rivojlanishida muhim ahamiyat kasb etadi.
Ma’lumot manbai: Kursiv Media.
