400 million dollar mahallalar infratuzilmasiga ajratiladi
O‘zbekiston Prezidenti Shavkat Mirziyoyev "Kambag‘allikdan farovonlikka" forumida 2026-yilga qadar mahallalarda infratuzilma va tadbirkorlikni rivojlantirish uchun qo‘shimcha 400 million dollar ajratilishini ma’lum qildi. Bu haqda Zamin.uz xabar berdi.
Ushbu mablag‘ og‘ir sharoitdagi 32 ta tuman va 328 ta mahallada maxsus dasturlarni amalga oshirishga sarflanadi. Shuningdek, 810 ta mahallada umumiy qiymati 1,3 milliard dollar bo‘lgan infratuzilma loyihalari amalga oshiriladi.
Bu loyihalar suv ta’minoti, kanalizatsiya tizimi, yo‘llar, maktablar va bolalar bog‘chalarini barpo etishni o‘z ichiga oladi. Kam ta’minlangan oilalar uchun ipoteka subsidiyalari shaklida har yili 200 million dollar ajratiladi.
2025-yilga borib 470 ming xonadon suv bilan ta’minlanadi, 790 ming xonadonda esa elektr energiyasi sifati yaxshilanadi. Ushbu chora-tadbirlar mahallalarning ijtimoiy-iqtisodiy rivojlanishini ta’minlashga qaratilgan.
Manba: zamin.uz
