O‘zbekiston temir yo‘llari axborotiga ko‘ra, texnik sabablarga ko‘ra ayrim yo‘nalishlardagi poyezdlar harakati vaqtincha to‘xtatildi. Bu haqda Zamin.uz xabar berdi.
Xususan, 22 va 23 sentyabr kunlari 6435/6436-sonli Toshkent — Xojikent — Toshkent hamda 7203/7204-sonli Toshkent — Chinorkent — Toshkent yo‘nalishidagi elektropoyezdlar qatnovi amalga oshirilmaydi. Bundan tashqari, 25 sentyabr kuni Qo‘qon — Andijon — Qo‘qon yo‘nalishida harakat qilishi rejalashtirilgan 6391/6392-sonli yo‘lovchi poyezdi ham qatnamaydi.
Mazkur o‘zgarishlar faqat ko‘rsatilgan sanalardagi reyslarga taalluqli bo‘lib, boshqa poyezdlar o‘z jadvaliga muvofiq odatdagidek harakat qiladi. Yo‘lovchilardan ushbu vaqtinchalik o‘zgarishlarni inobatga olishlari so‘raladi.
Batafsil ma’lumotni O‘zbekiston temir yo‘llari rasmiy saytidan olish mumkin (manba: one.uz).
