2025-yil qo‘shimcha qabulda bo‘sh o‘rinlar taqdim etiladi
Davlat qabul komissiyasi ma’lumotiga ko‘ra, 2025/2026-o‘quv yili uchun bakalavriat ta’lim yo‘nalishlarida bo‘sh qolgan o‘rinlarga qo‘shimcha qabul amalga oshiriladi. Bu haqda Zamin.uz xabar berdi.
Bu imkoniyat abituriyentlarga 6-yo‘nalish sifatida taqdim etiladi. Ushbu imkoniyatdan 2025-yilgi kirish imtihonlarida 56,7 ball va undan yuqori natija ko‘rsatgan, ammo talabalikka tavsiya etilmagan nomzodlar hamda ro‘yxatdan o‘tishning ikkinchi bosqichida yo‘nalish tanlamay qolgan abituriyentlar foydalanishi mumkin.
Qabul jarayoni 2025-yil 25-sentabrdan 3-oktabrgacha my.uzbmb.uz sayti orqali onlayn ro‘yxatdan o‘tish shaklida amalga oshiriladi. Ro‘yxatdan o‘tgan nomzodlar to‘plagan ballari bo‘yicha ketma-ketlikda bazaviy to‘lov-kontrakt asosida talabaga tavsiya etiladi.
Ro‘yxatdan o‘tish jarayonida fanlar majmuasiga mos keladigan yo‘nalishni tanlash mumkin. Tanlov natijalari 2025-yil 8-oktabrgacha e’lon qilinib, oliy ta’lim muassasalariga yuboriladi.
Bo‘sh o‘rinlar haqidagi ma’lumotlar Bosh milliy axborot agentligi rasmiy saytida e’lon qilinadi. Abituriyentlar yo‘nalish tanlayotganda faqat fanlar majmuasiga mos va bo‘sh o‘rin mavjud yo‘nalishlarni ko‘rishlari mumkin (manba: uz24.uz).
