Rossiyadan neft yetkazib berishdagi uzilishlar natijasida O‘zbekiston yoqilg‘i import yo‘nalishlarini diversifikatsiya qilishga kirishdi. Bu haqda Zamin.uz xabar berdi.
2025 yilning birinchi yarmida Rossiyadan neft va kondensat olib kelish hajmi ikki barobarga qisqardi. Shu bilan birga, Turkmanistondan xomashyo importi besh barobarga oshdi.
Qozog‘istondan gaz kondensati importi esa deyarli uch barobarga ko‘paydi. Benzin importi qariyb o‘n barobar ko‘paygan bo‘lsa, dizel miqdori ham o‘sdi.
Mazut importida kamayish kuzatilmoqda, chunki mamlakat undan voz kechishni rejalashtirmoqda. Rossiyadan kelayotgan aviakerosin hajmi esa oshib, Toshkentda katta zaxira yaratilgan.
Shu tariqa, O‘zbekiston neft mahsulotlari importida Rossiyaga bo‘lgan bog‘liqlikni kamaytirib, qo‘shni Qozog‘iston va Turkmaniston bilan hamkorlikni yanada mustahkamlamoqda. Manba: zamin.uz
