Bo‘stonlikda ayiq qoyadan yiqilib nobud bo‘ldi
Ijtimoiy tarmoqlarda tarqalgan “Bo‘stonliqda ayiqni vahshiylarcha o‘ldirishdi” degan xabarlar yuzasidan tekshiruv o‘tkazildi. Bu haqda Zamin.uz xabar berdi.
Bu haqda Toshkent viloyati Ekologiya boshqarmasi matbuot xizmati ma’lumot berdi. Dastlabki ma’lumotlarga ko‘ra, Burchmulla davlat o‘rmon xo‘jaligining Qorong‘u-toqay bo‘limida bir dona Tyan-Shan qo‘ng‘ir ayig‘i taxminan 70-80 metr balandlikdan qoyadan yiqilib tushgani aniqlangan.
Ayiqning nobud bo‘lish sabablari O‘zbekiston Fanlar akademiyasi Zoologiya instituti mutaxassislari tomonidan o‘rganilmoqda. Ekspertlar xulosasi tayyor bo‘lguncha ayiq jasadi Burchmulla davlat o‘rmon xo‘jaligi hududida vaqtincha saqlanadi.
Ekspertiza natijalari asosida holatga huquqiy baho beriladi. Toshkent viloyati Ekologiya boshqarmasi mazkur vaziyatni o‘z nazoratiga olgani haqida ma’lumot berdi.
Manba: zamin.uz
