Mehnat kodeksining 187-moddasiga muvofiq, bayram oldidan ish kunlari barcha xodimlar uchun kamida bir soatga qisqartirilishi majburiydir. Bu haqda Zamin.uz xabar berdi.
Ushbu qoidalar ish jadvalidan qat’i nazar, ishchi va xizmatchilarning mehnat huquqlarini himoya qilish maqsadida joriy etilgan. Shu bois, 1-oktyabr, chorshanba kuni O‘qituvchi va murabbiylar kuni sifatida davlat miqyosida umumxalq bayrami sifatida nishonlanadi va bu kun rasmiy ishlanmaydigan kun hisoblanadi.
Shunga ko‘ra, bayramdan oldingi kun — 30-sentyabrda barcha smena va kunlik ish vaqti kamida bir soatga kamaytirilishi talab etiladi. Biroq, uzluksiz ishlab chiqarish yoki xizmat ko‘rsatish jarayonlari bo‘lgan tashkilotlarda bu qoidalar to‘liq bajarilmasligi mumkin.
Bunday holatlarda xodimning ortiqcha ishlagan vaqti qo‘shimcha dam olish soatlari bilan qoplanadi yoki xodimning roziligi asosida ish vaqtidan tashqari mehnat uchun belgilangan tariflar bo‘yicha qo‘shimcha haq to‘lanadi. Shuningdek, 2-oktyabr payshanba kuni barcha uchun odatiy ish kuni hisoblanadi.
Ushbu tartib mehnat qonunchiligi doirasida belgilangan va xodimlar huquqlarini himoya qilishga xizmat qiladi (manba: zamin.uz).
