“Uzbekistan Airports” kompaniyasi E-auksion.uz onlayn platformasida Toshkent xalqaro aeroportida ijaraga beriladigan yangi tijorat maydonlari ro‘yxatini e’lon qildi. Bu haqda Zamin.uz xabar berdi.
Ushbu ro‘yxatga aviakompaniya va havo kemalariga texnik xizmat ko‘rsatish uchun mo‘ljallangan 30 va 53 kvadrat metrlik konteyner maydonlari kiradi. Bu maydonlarning boshlang‘ich yillik ijara narxi mos ravishda 144 million va 254 million so‘m etib belgilangan.
Bundan tashqari, xalqaro jo‘nab ketish terminalida 3 kvadrat metrlik maydon robot-barista, ya’ni avtomatlashtirilgan qahva kioski uchun auksionga qo‘yiladi. Ushbu savdolarda ishtirok etuvchi kompaniyalar belgilangan texnik talablarga javob berishi lozim.
Auksion 2025-yil 7-oktabr kuni o‘tkaziladi. Batafsil ma’lumotni Uz24.uz saytidan olish mumkin.
