Ipoteka subsidiyalari uchun yangi ball tizimi joriy qilindi
O‘zbekistonda ipoteka kreditlari uchun subsidiyalar berish jarayoni yangi tizim asosida 2-oktyabrdan qayta yo‘lga qo‘yildi. Bu haqda Zamin.uz xabar berdi.
Endilikda arizalar ijtimoiy mezonlar va ball tizimi asosida ko‘rib chiqiladi. Arizalarni Davlat xizmatlari markazlari orqali yoki my.gov.uz portali yordamida onlayn tarzda topshirish mumkin.
Arizalarni qabul qilishda birinchi navbatda oylik daromad, qo‘shimcha mezonlar va ijtimoiy holat hisobga olinadi. Masalan, Qoraqalpog‘iston va boshqa viloyatlarda daromadi 3 431 700 so‘mdan 8 897 000 so‘mgacha bo‘lgan fuqarolar 10 ball oladi.
Toshkentda esa 3 431 700 so‘mdan 10 168 000 so‘mgacha daromadga ega shaxslar 10 ball bilan baholanadi. Shuningdek, qo‘shimcha mezonlar sifatida turar joyi bo‘lmaganlar, mehnat migrantlari, uzoq hududlarda ishlayotgan mutaxassislar va ijtimoiy holati og‘ir bo‘lgan ayollar uchun ball tizimida qo‘shimcha imkoniyatlar yaratilgan.
Bu tizim subsidiyalarning adolatli va samarali taqsimlanishini ta’minlashga qaratilgan. Ijtimoiy mezonlar va ball tizimi yordamida resurslar ehtiyojmandlarga yetkaziladi.
Batafsil ma’lumotni one.uz saytidan olishingiz mumkin.
