O‘zbekistonda hafta davomida issiq va quyoshli ob-havo

O‘zbekiston hududida ish haftasi davomida ob-havo asosan quyoshli, issiq va barqaror bo‘ladi. Bu haqda Zamin.uz xabar berdi.

Yog‘ingarchilik ehtimoli deyarli yo‘q. “O‘zgidromet” ma’lumotlariga ko‘ra, harorat iqlim normasidan biroz yuqori bo‘lishi kutilmoqda.

Kechalar harorati 8 dan 13 darajagacha, kunduz kunlari esa hafta boshida 20 dan 25 darajagacha bo‘ladi. Haftaning oxiriga kelib harorat 23 dan 28 darajagacha ko‘tariladi, ayrim janubiy va cho‘l hududlarda esa 30 dan 32 darajagacha yetishi mumkin.

10-oktyabr, juma kuni respublika shimolida ba’zi joylarda shamol tezligi 13 dan 18 metr/sekundgacha kuchayishi, shuningdek chang-to‘zon yuzaga kelishi ehtimoli mavjud. Toshkent shahrida havo asosan biroz bulutli bo‘lib, yog‘ingarchilik bo‘lmaydi.

Shamol sharq yo‘nalishidan 3 dan 8 metr/sekund tezlikda esadi. 6-oktyabr kuni poytaxtda havo harorati kunduzi 22 dan 24 darajagacha bo‘ladi.

Haftaning qolgan kunlarida kechalar harorati 9 dan 12 darajagacha, kunduz kunlari esa 23 dan 26 darajagacha saqlanadi. Shuningdek, avvalroq Toshkentda havo ifloslanish darajasi me’yordan 15 baravar yuqori bo‘lgani qayd etilgandi.

6-oktyabr soat 09:00 da poytaxt monitoring stansiyasi AQI ko‘rsatkichini 380 deb belgiladi. Havodagi PM2.5 zarralari Jahon sog‘liqni saqlash tashkiloti tavsiya etgan yillik me’yordan 15,4 baravar ko‘p ekanligi ma’lum qilindi (manba: O‘zgidromet).