Osiyo Futbol Konfederatsiyasi (OFK) O‘zbekiston Futbol Assotsiatsiyasiga 340 ming AQSh dollari miqdorida jarima qo‘ydi. Bu haqda Zamin.uz xabar berdi.
Bu jarima 2025-yil 10-iyunda O‘zbekiston va Qatar terma jamoalari o‘rtasidagi o‘yindan so‘ng yuzaga kelgan qoidabuzarlik sababli belgilandi. O‘yindan keyin futbolchilarni mukofotlash maqsadida maydonga BYD avtomobillari olib kirilishi OFK tomonidan tartib-intizom qoidalariga zid deb topildi.
OFK mezbon mamlakatlardan stadion hududi va uning atrofida faqat rasmiy homiylarning brendlari ko‘rsatilishini talab qiladi. Chunki Jahon chempionati saralash o‘yinlari uchun har bir mezbon jamoaga mablag‘ ajratiladi va bu mablag‘dan to‘g‘ri foydalanilishi nazorat qilinadi.
O‘zbekiston ushbu talabga rioya qilmagani uchun jarimaga tortildi. Mazkur holat futbol tashkilotlari faoliyati va homiylik siyosatining qat’iy nazorat ostida ekanligini ko‘rsatadi.
Manba: uz24.uz
