O‘zbekistonliklar Saudiya Arabistoniga safarini ko‘paytirdi
Saudiya Arabistoniga safar qilayotgan o‘zbekistonliklar soni sezilarli darajada oshdi. Bu haqda Zamin.uz xabar berdi.
Milliy statistika qo‘mitasining ma’lumotlariga ko‘ra, 2025-yilning yanvar-avgust oylarida 165,7 ming nafar fuqarolar Saudiyaga yo‘l olgan. Bu ko‘rsatkich o‘tgan yilning mos davriga nisbatan 53,8 ming kishi yoki 48,1 foizga ko‘pdir.
Safar qilganlarning asosiy qismi, ya’ni 141,6 ming kishi, turizm maqsadida borgan. Shuningdek, 23,5 ming nafar odam qarindoshlarini ko‘rish uchun, 548 kishi davolanish, 62 kishi xizmat yuzasidan, 18 kishi esa o‘qish uchun Saudiya Arabistoniga safar qilgan.
Saudiya Arabistoni Haj va Umra vazirligining barcha viza egalariga umra ibodatini ado etish imkoniyatini yaratishi safarlar sonining oshishiga katta ta’sir ko‘rsatdi. Joriy yildagi haj mavsumida O‘zbekistonlik 15 mingdan ortiq hajiya muqaddas amallarni tartibli bajarishdi.
Ular may oyining o‘rtalarida Saudiya Arabistoniga yetib borib, iyun oxirigacha vatanga qaytishgan. Mutaxassislarning fikricha, elektron ro‘yxatga olish, onlayn band qilish va qulay viza tizimining joriy etilishi safar jarayonini ancha osonlashtirdi va fuqarolar uchun qulaylik yaratdi.
Ushbu ma’lumotlar One.uz saytidan olindi.
