Davlat xizmatchilari soni oktyabrda qisqartiriladi
O‘zbekiston hukumati oktyabr oyining oxirigacha 2141 nafar davlat xizmatchisini qisqartirishni rejalashtirmoqda. Bu haqda Zamin.uz xabar berdi.
Bu xodimlarning o‘rnini sun’iy intellekt tizimlari egallaydi. Mazkur qaror davlat boshqaruvini modernizatsiya qilish va samaradorlikni oshirish maqsadida amalga oshirilmoqda.
Islohotlar doirasida zamonaviy raqamli texnologiyalar joriy etiladi, bozor mexanizmlari kengaytiriladi hamda ayrim davlat vazifalari xususiy sektorga topshiriladi. Asosiy maqsad ijro hokimiyati organlarining samaradorligini oshirish va ma’muriy xarajatlarni kamaytirishdir.
Qisqartirishlar ayniqsa Davlat soliq qo‘mitasi, Suv xo‘jaligi, Qishloq xo‘jaligi va Adliya vazirliklarida amalga oshiriladi. Bundan tashqari, boshqa idoralarda ham ayrim lavozimlar bekor qilinishi mumkin.
Bandlik va mehnat munosabatlari vazirligi hamda O‘zbekiston Kasaba uyushmalari Federatsiyasi ishga joylashtirish bo‘yicha yordam berishga majburdir. Ushbu o‘zgarishlar davlat boshqaruvini raqamlashtirish jarayonidagi muhim bosqich sifatida baholanmoqda.
Manba: Dunyo nashri.
