Toshkent metrosi yer usti halqa yo‘lini ochadi
Toshkent metropolitenida ta’mirlash ishlari sababli vaqtincha yopilgan “Texnopark – Qipchoq” yo‘nalishidagi 14 ta bekatdan iborat yer usti halqa yo‘li 1 noyabrdan yana ishga tushirilishi rejalashtirilmoqda. Bu haqda Zamin.uz xabar berdi.
Avval bu yo‘nalish 18 oktyabrdan ochilishi ko‘zda tutilgan edi, biroq texnik sinovlar davom etgani uchun ish boshlanish sanasi ikki haftaga kechiktirildi. Ta’mirlash davrida yo‘l holati yaxshilandi, nosoz shpallar almashtirildi, drenaj tizimlari va shagal qatlami sinovdan o‘tkazildi.
Hozirda poyezdlar yo‘lovchisiz ravishda sinovdan o‘tmoqda. Yo‘lovchilarga qulaylik yaratish maqsadida “Texnopark – Qipchoq – Texnopark” yo‘nalishida bepul metrobuslar qatnovi yo‘lga qo‘yildi.
Ushbu avtobuslar faqat mazkur ikki bekat orasida qatnaydi. Ma’lumot manbai: zamin.uz.
