Olimjon Sulaymonovga jinoyat ishi qo‘zg‘atildi
Huquqni muhofaza qiluvchi organlar tomonidan 1964 yilda tug‘ilgan sobiq deputat Olimjon Sulaymonovga nisbatan jinoyat ishi qo‘zg‘atildi. Bu haqda Zamin.uz xabar berdi.
Unga O‘zbekiston Respublikasi Jinoyat kodeksining 109-moddasi 2-qismi bo‘yicha ish yuritilmoqda. Ma’lumotlarga ko‘ra, Sulaymonov tergov organlari tomonidan bir necha bor rasmiy chaqiruv qog‘ozi bilan chaqirilgan bo‘lsa-da, qasddan kelmaslikni afzal ko‘rgan.
Shu sababli, 14 oktyabr kuni huquqni muhofaza qiluvchi idoralar uni qonuniy asosda majburan tergovga olib kelishdi. Hozirda jinoyat ishi doirasida tergov harakatlari faol davom etmoqda.
Shuningdek, rasmiy idoralar ijtimoiy tarmoqlardagi ayrim faollarga murojaat qilib, tergov jarayoniga ta’sir o‘tkazish yoki ishga aralashish holatlari internet orqali amalga oshirilsa, bu qonun oldida javobgarlikka olib kelishini ogohlantirdi. Manba: zamin.uz
