So‘nggi yillarda O‘zbekistonda mikroqarzlar va iste’mol kreditlari bozori faoliyati sezilarli darajada oshdi. Bu haqda Zamin.uz xabar berdi.
Biroq ayrim kredit tashkilotlari tomonidan qo‘llanilayotgan agressiv reklama va marketing usullari moliyaviy xizmatlarning aholi orasida ommaviylashishiga sabab bo‘lmoqda. Natijada, qarz yukining keskin ortishi kuzatilmoqda.
Raqobat qo‘mitasi ma’lum qilishicha, ko‘p hollarda kredit mahsulotlari reklama qilinishida fuqarolar faqat tez va oson qarz olish imkoniyatiga e’tibor qaratadi. Shu bilan birga, moliyaviy xatarlar haqida yetarlicha ma’lumot berilmasligi sababli, ko‘plab odamlar murakkab moliyaviy ahvolga tushib qolmoqda.
Ushbu holatni bartaraf etish maqsadida Raqobat qo‘mitasi hamda Markaziy bank “Reklama to‘g‘risida”gi qonunga o‘zgartirish kiritishni taklif qilmoqda. Taklifga ko‘ra, kredit va mikroqarzlar reklama qilinayotganda, reklamaning kamida 10 foizi moliyaviy xatarlar haqida ogohlantirishga ajratilishi zarur.
Bu tashabbus fuqarolar moliyaviy ongini oshirish va ortiqcha qarzdorlikning oldini olishga qaratilgan. Shu bois, Raqobat qo‘mitasi fuqarolarni har qanday qarz majburiyatini olganda o‘z moliyaviy imkoniyatlarini aniq va mas’uliyat bilan baholashga, shuningdek, kredit shartlari, foiz stavkalari va to‘lov majburiyatlarini puxta o‘rganishga chaqiradi.
Ma’lumot manbai: zamin.uz.
