Toshkentda transport harakatini yaxshilash rejasi tasdiqlandi
Toshkent shahar hokimligi poytaxtda transport harakatini yaxshilash va tirbandliklarni kamaytirish maqsadida yangi reja ishlab chiqdi. Bu haqda Zamin.uz xabar berdi.
Ma’lumotlarga ko‘ra, yaqin kunlarda shaharga kirish va chiqish postlari ko‘chiriladi. Bu chora tirbandliklarni kamaytirishga va kirish-chiqish oqimini yengillashtirishga qaratilgan.
Shuningdek, avtobuslar uchun alohida yo‘laklar – BRT tizimi joriy etiladi. Yangi loyiha doirasida 10 ta ko‘cha qamrab olinadi va umumiy uzunligi 51 kilometrni tashkil etadi.
Hokimlik xabariga ko‘ra, ushbu tizim Shota Rustaveli, Shahrisabz, Amir Temur, Yangi Sergeli, Maxtumquli, Mirzo Ulug‘bek – Feruza – Yuzirobod, Lutfiy, Muqimiy, Nuravshon, Qoratosh – Ko‘kcha darvoza hamda Alisher Navoiy – Beruniy ko‘chalarida amalga oshiriladi. Loyiha uchun 126 million dollar mablag‘ ajratilishi rejalashtirilgan.
Hokimlikning fikricha, ushbu o‘zgarishlar transport tizimini zamonaviylashtirib, shaharda harakat erkinligini sezilarli darajada oshiradi. Manba: hokimlik.uz.
