O‘zbekistonda haftaning oxiri shamolli va o‘zgaruvchan bo‘ladi.

O‘zgidromet ma’lumotlariga ko‘ra, 31-oktyabr kuni mamlakatning ayrim hududlarida yomg‘ir yog‘ishi, ba’zi viloyatlarda esa shamol kuchayishi va chang-to‘zonlar kuzatilishi mumkin. Bu haqda Zamin.uz xabar berdi.

Toshkent shahrida osmon biroz bulutli bo‘lib, kechqurun qisqa muddatli yomg‘ir yog‘ishi ehtimoli bor. Shamol yo‘nalishini o‘zgartirib, g‘arbdan 10–12 m/s tezlikda esishi kutilmoqda.

Havo harorati kechasi 8–10 daraja, kunduzi esa 23 daraja atrofida bo‘ladi. Qoraqalpog‘iston va Xorazmda kechasi yoki ertalab qisqa muddatli yomg‘ir yog‘ishi mumkin.

Ayrim hududlarda shamolning kuchayishi (18 m/s gacha) natijasida chang-to‘zonlar kuzatilishi ehtimoldan xoli emas. Harorat kunduzi 18 daraja atrofida bo‘ladi.

Buxoro va Navoiy viloyatlarida ba’zi joylarda yomg‘ir yog‘ishi kutilmoqda. Kunduzi havo harorati 15–20 daraja bo‘lishi, shamolning kuchayishi esa salqinlikni oshirishi mumkin.

Markaziy viloyatlar, jumladan Toshkent, Sirdaryo, Jizzax va Samarqandda yog‘ingarchilik kutilmaydi. Ammo shamol 13–18 m/s gacha kuchayishi mumkin.

Harorat kunduzi 20–25 daraja atrofida bo‘ladi. Qashqadaryo va Surxondaryo viloyatlarida yomg‘ir yog‘ishi kutilmaydi.

Ayrim hududlarda shamol kuchayishi mumkin. Havo iliq bo‘lib, kunduzi 24 daraja, kechasi esa 11 daraja bo‘ladi.

Farg‘ona vodiysi hududlarida — Andijon, Namangan va Farg‘onada havo biroz bulutli bo‘lishi, ertalab tuman tushishi ehtimoli bor. Harorat kunduzi 18–23 daraja, kechasi 6–11 daraja atrofida bo‘ladi.

Tog‘ oldi hududlarda esa ayrim joylarda yomg‘ir yog‘ishi kutilmoqda. Havo harorati kunduzi 17 daraja, kechasi esa 2–7 daraja bo‘lishi mumkin.

Mutaxassislarning ta’kidlashicha, bu hafta mamlakat bo‘ylab shamolli va o‘zgaruvchan ob-havo saqlanib turadi. Ma’lumot manbasi: O‘zgidromet.