O‘zbekiston baxt reytingida 53-o‘rinni egalladi
World Happiness Report 2025 hisobotiga ko‘ra, dunyodagi 147 ta davlatning baxt darajasi baholandi. Bu haqda Zamin.uz xabar berdi.
Tadqiqot davomida aholining daromad darajasi, sog‘liqni saqlash sifati, jamiyatdagi ishonch darajasi, tanlov erkinligi va ijtimoiy ko‘mak kabi omillar hisobga olindi. Ushbu reytingda O‘zbekiston 53-o‘rinni egalladi.
Markaziy Osiyo davlatlari orasida O‘zbekiston ikkinchi o‘rinda qayd etilib, Qozog‘istondan keyinda joylashdi. Qozog‘iston mazkur ro‘yxatda 40-o‘rinni band etgan.
Reytingning birinchi pog‘onasida Finlandiya joylashgan bo‘lib, u dunyodagi eng baxtli davlat sifatida e’tirof etilgan. Eng so‘nggi o‘rinni esa Afg‘oniston egallagan.
Mazkur hisobot turli mamlakatlarda baxt va farovonlik darajasini o‘rganib, ularni bir qator mezonlar asosida tahlil qilish orqali tuzilgan. O‘zbekistonning bu reytingdagi o‘rni mamlakat ijtimoiy va iqtisodiy rivojlanishida muhim o‘rin tutishi mumkin.
Manba: World Happiness Report 2025.
