Tog‘li hududlarda qor ko‘chishi xavfi e’lon qilindi
5-7 noyabr kunlari Toshkent viloyatining tog‘li hududlarida qor ko‘chishi xavfi mavjud. Bu haqda Zamin.uz xabar berdi.
Bu haqda O‘zgidromet ma’lumot berdi. Havo haroratining o‘zgarishi sababli ayniqsa Bostanliq, Ohangaron va Parkent tumanlarining dengiz sathidan 2000 metrdan yuqori joylashgan hududlarida (Chatqol tog‘ tizmasi) ushbu xavf yuzaga kelgan.
Tog‘li hududlarda yashovchi aholi, sayyohlar va tog‘ yo‘llarida harakatlanayotgan haydovchilarga ehtiyotkorlikni oshirish, xavfli zonalardan chetda bo‘lish tavsiya etiladi. Aholi va mehmonlarning xavfsizligini ta’minlash uchun tog‘larga chiqishdan avval ob-havo sharoitini diqqat bilan kuzatish va zarurat tug‘ilsa, sayohatni keyinga qoldirish tavsiya etiladi.
Xavfli hududlarda harakatlanish yoki tog‘ yo‘llarida ehtiyotsizlik qilish salbiy oqibatlarga olib kelishi mumkin. Shu sababli, barcha fuqarolar xavfsizlik choralariga qat’iy rioya qilishlari lozim.
Ma’lumot manbasi: O‘zgidromet.
