Kelgusi yildan boshlab O‘zbekistonda yangi davlat ijtimoiy sug‘urtasi tizimi joriy qilinadi. Bu haqda Zamin.uz xabar berdi.
Ushbu yangi tizim Prezident Shavkat Mirziyoyevning farmoniga muvofiq amalga oshiriladi. Bu orqali fuqarolar majburiy va ixtiyoriy asosda ijtimoiy sug‘urta bilan qamrab olinadi.
Majburiy sug‘urta daromad solig‘ining bir qismi hisobidan to‘lanadi. Uning miqdori har yili davlat byudjeti to‘g‘risidagi qonun orqali belgilab boriladi.
Ixtiyoriy sug‘urta esa fuqarolarning o‘z mablag‘lari hisobidan amalga oshiriladi. Oylik sug‘urta badali eng kam ish haqining 5 foizini tashkil etadi.
Fuqarolarga sug‘urta to‘lovlari ularning minimal sug‘urta staji va Davlat ijtimoiy sug‘urta jamg‘armasiga to‘langan badallariga mos ravishda amalga oshiriladi. Bundan tashqari, nafaqa to‘lovlarining proaktiv shakli ham joriy etiladi.
2026 yil boshidan homilador ayollar uchun, 1-iyuldan esa vaqtincha mehnatga layoqatsizlik bo‘yicha nafaqa to‘lovlari yangi tizim asosida amalga oshiriladi. Mazkur o‘zgarishlar fuqarolarning ijtimoiy himoyasini kuchaytirish va davlatning mas’uliyatini oshirishga qaratilgan.
Manba: Zamin.uz
