Andijonda pullik avtomobil yo‘li qurilishi rejalashtirilmoqda
Andijon viloyatida “Yangi Andijon – Xonobod” yo‘nalishi bo‘yicha pullik avtomobil yo‘li qurilishi rejalashtirilmoqda. Bu haqda Zamin.uz xabar berdi.
Bu haqda viloyat hokimi Shuhrat Abdurahmonov ma’lumot berdi. Ushbu loyiha davlat rahbari topshirig‘i asosida amalga oshiriladi va xorijiy investitsiyalarni jalb qilish doirasida ishlab chiqilgan.
Hududiy hokimlik vakillari loyiha bo‘yicha xitoylik investorlar bilan muzokaralar olib borib, kelishuvga erishgan. Loyihaning asosiy maqsadi zamonaviy va xavfsiz yo‘l infratuzilmasini yaratish orqali hududlar o‘rtasidagi transport aloqalarini yaxshilashdir.
Shu bilan birga, joriy yilning oktyabr oyida O‘zbekiston Avtomobil yo‘llari qo‘mitasi avtomobillarning harakat tezligini 150 km/soatgacha oshirishni rejalashtirayotganini ma’lum qilgan edi. Bu masala yangi qonun loyihasida ham o‘z aksini topgan.
Yangi qonunda pullik yo‘llardan foydalanish uchun belgilangan tariflarning yuqori chegarasi ham aniq ko‘rsatiladi. Mazkur loyiha amalga oshirilishi natijasida nafaqat viloyat ichki transport tizimi yaxshilanadi, balki iqtisodiy rivojlanishga ham ijobiy ta’sir ko‘rsatadi.
Manba: zamin.uz
