Yilning so‘nggi super Oyi 5-noyabrda kuzatiladi

Joriy yilning eng yirik va yorqin astronomik hodisalaridan biri — super Oy hodisasi — 5-noyabr kuni kuzatiladi. Bu haqda Zamin.uz xabar berdi.

Bu haqda Britaniyaning “The Guardian” nashri xabar berdi. Olimlarning ma’lumotiga ko‘ra, mazkur kecha Oy Yerga eng yaqin masofaga — 357 ming kilometrdan ham yaqinroq joylashadi.

Shu sababli Oy odatdagidan taxminan 8 foizga kattaroq va 16 foizga yorqinroq ko‘rinadi. Mutaxassislarning tushuntirishicha, “super Oy” deb Oy o‘z orbitasida Yerga eng yaqin nuqtada bo‘lgan va to‘liq yoritilgan paytga aytiladi.

Bu vaqtda Oyning ko‘rinishi oddiy to‘lin Oydan ancha ta’sirchan va go‘zal bo‘ladi. Kuzatuvchilar uchun xushxabar shuki, bu hodisani dunyoning deyarli barcha hududlaridan, jumladan, O‘zbekiston osmonidan ham kuzatish mumkin.

Toshkentda Oy soat 21:50 da ko‘tariladi. Astronomlarning fikricha, Oyning eng hayratlanarli ko‘rinishi aynan chiqish paytida kuzatiladi.

Shuningdek, bu yilgi oxirgi super Oy hodisasi hisoblanadi. Agar ob-havo ochiq va tiniq bo‘lsa, hech qanday asbob-uskunalarsiz, faqat ko‘z bilan ham bu go‘zal manzarani tomosha qilish imkoniyati mavjud bo‘ladi.