O‘zbekistonda davlat ijtimoiy sug‘urtasi tizimi bosqichma-bosqich isloh qilinmoqda. Bu haqda Zamin.uz xabar berdi.
Bu haqda Adliya vazirligi ma’lumot berdi. Prezident tomonidan 2023 yil 3 noyabrda imzolangan farmonga ko‘ra, 2026 yil 1 yanvardan boshlab homiladorlik, tug‘ruq va bola tug‘ilishi bo‘yicha nafaqalar fuqarolar tomonidan ariza topshirilmasdan, avtomatik tarzda tayinlanadi va to‘lanadi.
Bundan tashqari, 2026 yil 1 iyuldan vaqtinchalik mehnatga layoqatsizlik bo‘yicha nafaqalar ham avtomatik hisoblanadi. Ushbu jarayon fuqarolarga berilgan nogironlik varaqasi asosida amalga oshiriladi.
Yangi tizimga ko‘ra, fuqarolar daromad solig‘ining bir qismi yoki ixtiyoriy ravishda har oy to‘lanadigan sug‘urta badallari orqali ushbu tizimga qo‘shilishi mumkin. To‘lanadigan nafaqa miqdori sug‘urta muddati va badallar miqdoriga bog‘liq holda belgilanadi.
Davlat ijtimoiy sug‘urta jamg‘armasi nafaqalarni moliyalashtirish bilan shug‘ullanadi. 2030 yildan boshlab ushbu jamg‘arma ishsizlik nafaqalarini ham ko‘rib chiqish va to‘lashni yo‘lga qo‘yadi.
Bunday to‘lovlar fuqarolarning murojaati asosida amalga oshiriladi. Mazkur islohotlar fuqarolar uchun qulaylik yaratish, hujjatbozlikni kamaytirish va ijtimoiy himoya tizimining shaffofligini oshirishga qaratilgan.
Shu orqali xizmat ko‘rsatish samaradorligi ham oshadi. Ma’lumot manbasi: One.uz.
