Samarqandda qarzdorlardan olingan 15 ta Nexia sotuvda

Samarqand viloyatida qarzdorlardan undirib olingan 15 ta Nexia 3 avtomobili onlayn auksionga qo‘yildi. Bu haqda Zamin.uz xabar berdi.

Bu haqda viloyat Majburiy ijro byurosi matbuot xizmati xabar berdi. Ushbu avtomobillar gaz ballon uskunalari bilan jihozlangan bo‘lib, boshlang‘ich narxlari 62,8 million so‘mdan 71,2 million so‘mgacha belgilangan.

Auksionda ishtirok etishni istaganlar uchun arizalar joriy yilning 7-noyabriga qadar qabul qilinadi. Ariza topshirish uchun e-auksion.uz veb-saytiga kirib, kerakli lotni topish mumkin.

Shuningdek, so‘nggi vaqtlarda O‘zbekistonning turli hududlarida qarzdorlik tufayli musodara qilingan yuzlab avtomobillar savdoga chiqarilayotgani ma’lum qilindi. Ushbu avtomobillar asosan yuridik shaxslarga tegishli bo‘lib, Majburiy ijro byurosi tomonidan undirib olingan.

Auksion jarayonlari barcha uchun ochiq va shaffof tarzda tashkil etilishi ta’kidlanmoqda.