Toshkent metrosi: O‘rta Osiyodagi birinchi metro ochildi
1977-yil 6-noyabr kuni Toshkent shahri tarixida muhim voqea sodir bo‘ldi. Bu haqda Zamin.uz xabar berdi.
Aynan shu kuni Toshkent metropolitenining birinchi liniyasi foydalanishga topshirildi. Bu metro nafaqat O‘zbekiston, balki butun O‘rta Osiyoda birinchi metro bo‘lib, sobiq Sovet Ittifoqi hududida yettinchi metro sifatida tarixda qoldi.
Ushbu ma’lumot “Tashkent Retrospective” loyihasi tomonidan “Mytashkent.uz” manbasiga tayanib e’lon qilingan. Tantanali ochilish marosimi hozirgi kunda “Mustaqillik maydoni” deb nomlangan bekatda o‘tkazildi.
O‘sha davrda bu maydon “V. I.
Lenin maydoni” deb yuritilgan edi. Marosim davomida “Toshmetrostroy” tresti rahbari P.
V. Semyonov metro kalitini ramziy ravishda O‘zbekiston SSR Kommunistik partiyasi Markaziy Qo‘mitasining birinchi kotibi Sharof Rashidovga topshirdi.
Qiziqarli tomoni shundaki, metroning ochilishi aynan Sharof Rashidovning tug‘ilgan kuniga to‘g‘ri kelgan. Shu tariqa, metro nafaqat shahar transport tizimi uchun yangi qadam, balki tarixiy voqea sifatida ham alohida ahamiyat kasb etdi.
