2025 yilda 3,1 mln tonna kartoshka yetishtirildi

2025 yilning yanvar-sentabr oylarida O‘zbekistonda barcha turdagi xo‘jaliklar tomonidan 3,1 million tonnaga yaqin kartoshka yetishtirildi. Bu haqda Zamin.uz xabar berdi.

Bu haqda Davlat statistika qo‘mitasi ma’lumot berdi. Kartoshka yetishtirish bo‘yicha eng yuqori ko‘rsatkich Samarqand viloyatida qayd etildi.

Ushbu hududda 631,9 ming tonna kartoshka yetishtirilgan. Keyingi o‘rinlarda Toshkent viloyati 320 ming tonna va Farg‘ona viloyati 317,4 ming tonna hosil bilan yetakchilik qildi.

Eng kam kartoshka Toshkent shahrida yig‘ilgan bo‘lib, bu raqam atigi 429 tonnani tashkil etdi. Sirdaryo viloyatida esa 60,1 ming tonna kartoshka yetishtirilib, hududlar orasida eng past ko‘rsatkich qayd etildi.

Manba: Davlat statistika qo‘mitasi.