O‘zbekistonda kutubxonalar soni 15 mingga yetdi
2025-yil 1-yanvar holatiga ko‘ra, O‘zbekistonda 15 mingga yaqin kutubxona faoliyat yuritmoqda. Bu haqda Zamin.uz xabar berdi.
Bu haqda Milliy statistika qo‘mitasi ma’lumot berdi. Kutubxonalarning umumiy fondida 85 milliondan ortiq kitob va jurnal mavjud.
Ro‘yxatdan o‘tgan foydalanuvchilar soni 12,8 million kishini tashkil etadi. Ularning 78 foizini yoshlar tashkil etadi.
Jumladan, 14 yoshgacha bo‘lgan bolalar 31,6 foizni, 15-24 yoshdagi o‘smir va yoshlar esa 45,9 foizni tashkil qiladi. Eng ko‘p kutubxona Farg‘ona viloyatida joylashgan bo‘lib, ularning soni 2,1 mingtani tashkil etadi.
Keyingi o‘rinlarda Samarqand viloyati (1,9 ming kutubxona) va Qashqadaryo viloyati (1,5 ming kutubxona) qayd etilgan. Bu raqamlarga barcha ta’lim muassasalari kutubxonalari hamda idoralar qoshidagi axborot-kutubxona markazlari ham kiritilgan.
Shu bilan birga, joriy yil noyabr oyida Toshkent shahrida «Turon kitob bekati» loyihasi ishga tushirildi. Ushbu loyiha doirasida bir nechta metro bekatlarida kitob javonlari o‘rnatildi.
Mazkur loyiha kitobxonlikni targ‘ib qilish va aholining kitobga bo‘lgan qiziqishini oshirishni maqsad qilgan. Transport vazirligi ma’lumotlariga ko‘ra, kelgusida boshqa metro yo‘nalishlarida ham shunday kitobxonlik zonalarini tashkil etish rejalashtirilgan.
