Statistika qo‘mitasi ma’lumotlariga ko‘ra, 2025-yil 1-oktabr holatiga ko‘ra, O‘zbekistonda har 1000 nafar aholiga 32,1 ta tadbirkorlik subyekti to‘g‘ri keladi. Bu haqda Zamin.uz xabar berdi.
Ushbu ko‘rsatkich bo‘yicha Xorazm viloyati yetakchilik qilmoqda. Xorazmda har 1000 kishiga 43,5 ta tadbirkor to‘g‘ri keladi.
Bu viloyat tadbirkorlik faolligi bo‘yicha mamlakatning boshqa hududlaridan ilgarilab ketgan. Ikkinchi o‘rinda Toshkent shahri joylashgan bo‘lib, bu yerda har 1000 kishiga 43,4 ta tadbirkorlik subyekti to‘g‘ri keladi.
Uchinchi o‘rin esa Sirdaryo viloyatiga tegishli bo‘lib, bu hududda ko‘rsatkich 37,7 tani tashkil etadi. Tadbirkorlik faolligi asosan mamlakatning g‘arbiy va markaziy hududlarida yuqori darajada kuzatilmoqda.
Janubiy viloyatlarda esa bu ko‘rsatkich nisbatan pastroq. Bu ma’lumotlar hududlar bo‘yicha tadbirkorlik o‘sishining turlicha ekanligini ko‘rsatadi.
Ma’lumot manbasi: Statistika qo‘mitasi.
