Xalq tabobati ruxsatsiz faoliyatiga jarima belgilandi
Endilikda xalq tabobati bilan tegishli ruxsatnomasiz shug‘ullanish, tashxis qo‘yish yoki davolash xizmatlarini ko‘rsatish qonuniy javobgarlikka olib keladi. Bu haqda Zamin.uz xabar berdi.
Shuningdek, bunday faoliyatni omma oldida targ‘ib qilish ham taqiqlanib, jazo choralari belgilandi. Ma’muriy javobgarlik to‘g‘risidagi kodeksga kiritilgan o‘zgartirishlarga ko‘ra, bu qoidalarni buzgan fuqarolar 15–20 baravar, mansabdor shaxslar esa 20–25 baravar bazaviy hisoblash miqdorida jarimaga tortiladi.
Agar ruxsatsiz faoliyat orqali moddiy foyda olish holati aniqlansa, xuddi shunday miqdorda jarima belgilanishi ko‘zda tutilgan. Bundan tashqari, ushbu qonunbuzarlik bir yil ichida takrorlansa, 20–30 baravar jarima yoki 15 sutkagacha ma’muriy qamoq jazosi qo‘llanilishi mumkin.
Mutasaddilar ma’lum qilishicha, bu choralar fuqarolarning sog‘lig‘ini himoya qilish va soxta shifokorlik faoliyatining oldini olishga qaratilgan. Manba: zamin.uz.
