Rossiya temir yo‘llari 2026-yilgacha O‘zbekiston va Tojikistondan sabzavot hamda mevalar tashishda 50 foizlik chegirmalarni uzaytirishga qaror qildi. Bu haqda Zamin.uz xabar berdi.
Bu haqda TASS axborot agentligi ma’lum qildi. Ushbu chegirmalar Rossiya hududida ayrim yuklarni qisqa masofalarga tashishda ham amal qiladi.
Bundan tashqari, Azov-Qora dengiz mintaqasidagi bir qator port stansiyalariga yoqilg‘i yetkazishda ham imtiyozli tariflar saqlanib qoladi. Shuningdek, kompaniya kelgusi yilda xalqaro «Shimol-Janub» transport yo‘lagi orqali yuk tashishni qo‘llab-quvvatlash maqsadida bir qator tarif yechimlarini davom ettirishni rejalashtirmoqda.
Ushbu choralar ikki tomonlama savdo aloqalarini rivojlantirish va yuk tashish jarayonlarini yanada qulaylashtirishga xizmat qiladi. Bu kabi imtiyozlar mintaqaviy iqtisodiy hamkorlikni mustahkamlash uchun muhim ahamiyatga ega.
