Talabalar uchun quvonchli yangilik e’lon qilindi. Bu haqda Zamin.uz xabar berdi.
Endilikda oliy ta’lim muassasalarida tahsil olayotgan va ijarada yashayotgan talabalar ijara to‘lovining bir qismini davlat tomonidan qaytarib olish imkoniga ega bo‘ladilar. Bu haqda hukumat portali xabar berdi.
Mazkur jarayon to‘liq onlayn tarzda amalga oshiriladi. Talabalardan universitetga yoki bankka borish talab etilmaydi.
Faqatgina my.gov.uz portali orqali “Davlat OTM talabalariga oylik ijara to‘lovining bir qismini qoplab berish” xizmatiga murojaat qilish kifoya. Ariza topshirish jarayonida qo‘shimcha hujjatlar talab etilmaydi, chunki tizim zarur ma’lumotlarni avtomatik ravishda tekshiradi.
Agar ariza ma’qullansa, Toshkent shahrida o‘qiyotgan talabalarga bazaviy hisoblash miqdorining bir baravari, viloyatlarda yashayotgan talabalarga esa uning yarmi miqdorida to‘lov qaytariladi. Arizalar har oyning 1–7 kunlari qabul qilinadi.
Ushbu imkoniyat minglab talabalarning ijara xarajatlarini kamaytirishda katta yordam beradi.
