2025-yil 11-noyabr kuni hukumatning 715-son qarori bilan “Ijtimoiy himoya fidoyisi” ko‘krak nishoni ta’sis etildi. Bu haqda Zamin.uz xabar berdi.
Bu haqda hukumat portali xabar berdi. Ushbu nishon ijtimoiy himoya sohasida fidokorona mehnat qilayotgan shaxslarni rag‘batlantirish maqsadida joriy etilgan.
Nishon bilan taqdirlash tartibi maxsus nizomda belgilangan. Taqdirlash bo‘yicha takliflar har yili 20-aprelgacha Prezident huzuridagi Ijtimoiy himoya milliy agentligiga yuboriladi.
Ushbu takliflar Komissiya tomonidan ko‘rib chiqilib, 20-mayga qadar Agentlik direktori tomonidan mukofotlash to‘g‘risida buyruq chiqariladi. Nishon topshirish marosimi har yili 1-iyun kuni, Agentlik tashkil etilgan sanaga bag‘ishlangan tadbirlar doirasida o‘tkaziladi.
Taqdirlangan shaxslarga bazaviy hisoblash miqdorining to‘rt baravari miqdorida bir martalik pul mukofoti ham beriladi. Bu mablag‘lar Ijtimoiy himoya davlat jamg‘armasi hisobidan qoplanadi.
Shuningdek, ayrim hollarda Agentlik direktorining buyrug‘iga ko‘ra nishon alohida tartibda ham topshirilishi mumkin.
