O‘zbekistonda tibbiy ma’lumotlar yagona tizimda birlashdi
O‘zbekistonda 36 million fuqaroning tibbiy ma’lumotlari yagona MED-ID tizimida birlashtirildi. Bu haqda Zamin.uz xabar berdi.
Bu haqda Sog‘liqni saqlash vazirligi xabar berdi. Ushbu ma’lumotlar yagona DMED tizimida saqlanmoqda.
Hozirda ushbu platformaga 20 dan ortiq davlat muassasalari, 200 ga yaqin xususiy tibbiyot tashkilotlari va Toshkent shahrining Yunusobod tumanidagi 190 dan ortiq dorixonalar ulangan. Aynan ushbu tumanda sinov tariqasida "Elektron retsept" tizimi ishga tushirildi.
Mazkur tizim soxta dori vositalari savdosiga qarshi kurashishda muhim ahamiyat kasb etmoqda. Shuningdek, shifokorlar qog‘ozbozlikdan xalos bo‘lib, 70 turdagi blankalar va jurnallardan voz kechishdi.
Bu yangilik shifokorlarning ish yukini 30 foizga kamaytirish va tahlil natijalarini olish vaqtini sezilarli darajada qisqartirish imkonini berdi. Shu bilan birga, fuqarolar uchun tibbiy xizmat ko‘rsatish sifatini oshirishga xizmat qilmoqda.
Ma’lumot: zamin.uz
