O‘zbekistonda aholisi eng kam hududlar aniqlandi
Milliy statistika qo‘mitasi ma’lumotlariga ko‘ra, 2025-yil 1-oktyabr holatiga O‘zbekiston doimiy aholisi 38 069 116 nafarga yetgan. Bu haqda Zamin.uz xabar berdi.
Shu munosabat bilan aholisi eng kam bo‘lgan tuman va shaharlar ro‘yxati e’lon qilindi. Quyida mazkur hududlar haqida ma’lumot keltiriladi.
Ro‘yxatda birinchi o‘rinda G‘ozg‘on shahri bo‘lib, uning aholisi 9 429 nafarni tashkil qiladi. Keyingi o‘rinda Tomdi tumani joylashgan bo‘lib, bu yerda 15 199 kishi istiqomat qiladi.
Shirin shahri aholisi esa 19 421 nafarni tashkil etadi. Qorovulbozor tumani aholi soni bo‘yicha to‘rtinchi o‘rinda bo‘lib, bu yerda 20 608 kishi yashaydi.
Bo‘zatov tumanida esa 21 810 nafar aholi qayd etilgan. Ro‘yxatning keyingi o‘rinlarida Yangiobod (30 449 kishi), Mo‘ynoq (34 065 kishi), Konimex (36 922 kishi), Taxtako‘pir (38 871 kishi) va Uchquduq (39 937 kishi) kabi hududlar joylashgan.
Ushbu hududlarning aksari chekka mintaqalarda joylashgan bo‘lib, tabiiy sharoit va infratuzilmaning yetarlicha rivojlanmagani aholi sonining past bo‘lishiga sabab bo‘lmoqda. Manba: Milliy statistika qo‘mitasi.
