Toshkent–London yo‘nalishida muntazam parvozlar yo‘lga qo‘yiladi

O‘zbekistonning "Qanot Sharq" aviakompaniyasi 2025-yil 15-dekabrdan boshlab Toshkent – London – Toshkent yo‘nalishida muntazam parvozlarni yo‘lga qo‘yadi. Bu haqda Zamin.uz xabar berdi.

Bu qatnovlar haftasiga ikki marta, dushanba va payshanba kunlari amalga oshirilishi rejalashtirilgan. Parvozlar zamonaviy va yuqori quvvatga ega Airbus A321-XLR samolyotlarida amalga oshiriladi.

Mazkur yo‘nalishda reyslar Londondagi Gatvik xalqaro aeroportiga (LGW) yo‘naltiriladi. Ushbu yangi yo‘nalish nafaqat O‘zbekiston va Buyuk Britaniya o‘rtasidagi aloqalarni mustahkamlaydi, balki yo‘lovchilar uchun qulay va tezkor sayohat imkoniyatini ham yaratadi.

Eslatib o‘tamiz, O‘zbekiston va Buyuk Britaniya aviatsiya ma’muriyatlari o‘tgan yili Kuala-Lumpurda bo‘lib o‘tgan ICAO "ICAN–2024" sammitida uchrashuv o‘tkazib, ikki davlat o‘rtasidagi muntazam havo qatnovlarini kengaytirish bo‘yicha kelishuvga erishgan edi. Yangi yo‘nalish ishga tushishi bilan Toshkent va London o‘rtasidagi parvozlar bevosita va qulay tarzda amalga oshiriladi.

Manba: one.uz