O‘zgidromet xizmati 17–20 noyabr kunlari uchun batafsil ob-havo ma’lumotlarini taqdim etdi. Bu haqda Zamin.uz xabar berdi.
Mamlakatning aksariyat hududlarida hafta boshida ob-havo tinch, yog‘ingarchiliksiz va yengil shamolli bo‘lishi kutilmoqda. Qoraqalpog‘iston va Xorazm viloyatida osmon o‘zgaruvchan bo‘lib, yog‘ingarchilik kuzatilmaydi.
Shamol sharqdan 7–12 m/s tezlikda esadi. Kechasi harorat 2–7 daraja iliq bo‘lib, 20 noyabrda 0–5 darajagacha tushishi mumkin.
Kunduzi esa 17 noyabrda 17–22 daraja iliq, keyingi kunlarda 10–15 darajagacha pasayish ehtimoli bor. Buxoro va Navoiy viloyatlarida havo quruq va o‘zgaruvchan bo‘lib qoladi.
Kechasi harorat 4–9 daraja iliq, kunduzi esa 17–22 daraja atrofida bo‘ladi. 19–20 noyabr kunlari harorat biroz pasayadi.
Toshkent, Samarqand, Sirdaryo va Jizzax viloyatlarida ham ob-havo tinch va yog‘ingarchiliksiz o‘tadi. Shamol sharqdan esadi.
Kechasi 4–9 daraja iliq, kunduzi 17–22 daraja iliq bo‘ladi. Hafta o‘rtalarida kunduzi harorat 13–18 darajagacha pasayishi mumkin.
Qashqadaryo va Surxondaryo viloyatlarida iliq ob-havo hukmron bo‘ladi. Kunduzi 19–24 daraja iliq bo‘lib, 19–20 noyabr kunlari harorat 14–19 darajagacha pasayadi.
Andijon, Namangan va Farg‘ona viloyatlarida ham yog‘ingarchilik kutilmaydi. Kechasi harorat 2–7 daraja iliq, kunduzi esa 15–20 daraja iliq bo‘ladi.
Hafta davomida kunduzi harorat 12–18 darajagacha pasayishi mumkin. Tog‘li hududlarda yog‘ingarchiliksiz kunlar davom etadi, ammo 19 noyabr kuni ayrim joylarda yomg‘ir yoki qor yog‘ishi ehtimoli bor.
Kechasi harorat 2–7 daraja iliq bo‘lsa, kunduzi 12–17 daraja iliq bo‘lishi kutilmoqda. 19–20 noyabr kunlari esa harorat biroz sovib, 8–13 daraja iliqni tashkil etadi.
Manba: O‘zgidromet.
