O‘zbekiston va Qozog‘iston yetakchilari hamkorlikni kengaytiradi
15-noyabr kuni O‘zbekiston Prezidenti Shavkat Mirziyoyev va Qozog‘iston Prezidenti Qasim-Jomart Tokayev Toshkentdagi «Ko‘ksaroy» qarorgohida uchrashuv o‘tkazdilar. Bu haqda Zamin.uz xabar berdi.
Bu haqda O‘zbekiston Prezidenti matbuot xizmati xabar berdi. Uchrashuv davomida ikki davlat o‘rtasidagi energetika, transport, kimyo sanoati, qishloq va suv xo‘jaligi, ekologiya hamda axborot texnologiyalari sohalaridagi hamkorlik masalalari muhokama qilindi.
Muzokaralarda joriy yil boshidan buyon O‘zbekiston va Qozog‘iston o‘rtasidagi savdo aylanmasi 4 milliard dollarga yetgani qayd etildi. Kelgusida bu ko‘rsatkichni 10 milliard dollarga oshirish bo‘yicha kelishuvga erishildi.
Shuningdek, sanoat kooperatsiyasi doirasida umumiy qiymati 8 milliard dollardan ortiq bo‘lgan loyihalar portfeli shakllantirilgani va investitsiya platformasini yaratish rejalari mavjudligi ta’kidlandi. Uchrashuv yakunida davlat rahbarlari mintaqalararo hamkorlikni yanada kengaytirish masalasida kelishuvga erishdilar.
2026 yilda Qozog‘istonda birinchi mintaqalar rahbarlari kengashini o‘tkazish to‘g‘risida qaror qabul qilindi.
